ليموزين المطار
النهاردة هنتكلم عن سؤال محير للشعب المصرى و فى ناس كتير برضة بتسألة لما تيجى تشترى عربية و هو هل أشترى عربية
مانيوال ولا اوتوماتيك و هل لو انا بتعلم اتعلم مانيوال و أوتوماتيك ؟ ولا أوتوماتيك بس ؟ ..
نبدأ الأول ب الاوتوماتيك ..
شوفوا يا معلمين
??
سواقة الأوتو سهلة جدا و مفهاش اى حاجة لانك معندكش غير الحاجات دى
ال P و دة المقصود بية Park
و ال N و دة مقصود بية وضع الحياد او المور او ال Neutral
و ال R المقصود بية Reverse و هو الرجوع لورا
و ال D و المقصود بية Drive و هو انك تمشى لقدام و دة بيبقى علية كل السرعات ..
طب الفتيس الاوتو بينقل ازاى ؟
بينقل الغيارات عن طريق ال Body Valve اللى بيحس لما ال rpm عالى يروح جى مزود نقلة
طب مميزات الأوتو ؟
الأوتو مفهوش مميزات كتير غير انة
1- مريح جدا فى الزحمة و السواقة عموما كل اللى عليك تدوس بنزين و العربية هتمشى مع نفسها
2 - مريح للموتور لانة هو اللى عارف امتى ينقل للغيار اللى بعدة عكس المانيوال بتعتمد على عملية التقدير منك ..
3 - بيزود من قيمة العربية عند البيع اكتر من المانيوال لان الاوتو بقى هو السائد دلوقتى
طب عيوب الاوتو ؟
1 - أستهلاك بنزين زيادة عن المانيوال
2 - صيانتة مكلفة
3 - مش بتاع شد و لعب و لو بتقرص علية كتير هيبوظ بعد سنة أو اتنين
4 - سحبة ضعيف عن المانيوال
يعنى هات عربيتين نفس الماركة و سنة الصنع و الحالة بس واحدة اوتو و التانية مانيوال هتلاقى ان المانيوال بيطلع من بتاع الاوتوو
5 - لو العربية عطلت مش بتتحرك من مكانها
_________________
نيجى للمانيوال ..
سواقة المانيوال سهلة برضة بس محتاجة فى الأول تدريب كتير و تسوق كام نوع عربية عشان تاخد على الدبرياج و تقدر تتحكم في العربية
المانيوال مفهوش غير 1 ، 2 ، 3 ، 4 ، 5 ، R
طب مميزات المانيوال ؟
1 - دة بقى بتاع الشد و اللعب كلة
2 - سحب أعلى
3 - وزنة أخف على العربية
4 - تقدر لو مش معاك فرامل توقف العربية برضة عن طريق الغيارات العكسية
5 - تكاليف التصليح أقل
عيوب المانيوال ..
1 - بيقلل من قيمة العربية عند البيع لان المانيوال مش مطلوب كتير
2 - متعبة جدا فى الطرق الزحمة و الدبرياج بيتعب رجلك و ركبتك فوق مما تتخيل ..
_______________
? طب أشترى مانيوال ولا أوتو ؟
دى بقى ترجعلك لانى قولت مميزات و عيوب الاتنين بس لو بتسافر كتير هات مانيوال
لو بتمشى جوة البلد كتير هات اوتوماتيك ..
? أتعلم على مانيوال ولا أوتوماتيك ؟
أتعلم على الاتنين
?
اهو منها تزود معلوماتك و خبرتك و كمان لو الظروف اجبرتك تسوق اى حاجة يبقى عندك خلفية
و سؤالنا ليكم بقى النهاردة
بعد التقرير دة بتفضل الاوتو ولا المانيوال ؟
و انت معاك اوتو ولا مانيوال ؟
و بكدة نكون خلصنا موضوعنا النهاردة
منشن لصاحبك
شير
تفاعلوا
منقول
#wesh cylinder
ليموزين المطار
احجز الان ليموزين من المطار والى جميع محافظات الجمهوريه
نسعد بخدمتكم على مدار اليوم.
نقدم لكم خدمات وصلنى ليموزين على مدار اليوم والاسبوع.
لو انت جاى من خارج مصر متفكرش كتير مين هيستناك فالمطار
هنروح معاك فى اى مشاوير ليك كلمنا هننجز معاك كتير
خدمة استقبال وصلنى ليموزين فى انتظارك
خدمات ليموزين مطارات .
خدمات ليموزين رجال الاعمال.
خدمات سيارات الزفاف .
خدمات تأجير سيارات بالسائق .
نقدم اليكم خدمة مميزة على مدار الساعة طوال ايام الاسبوع .
للتواصل عبر الفايبر viber أو الواتس أب WHATS APP
برجاء الاتصال على الرقم 01005280936
من خارج مصر 00201005280936
للحجز والإستعلام إتصل علي الخط الساخن
( 01148292997 -01005280936)
http://www.wasalnylimousine.com/
